دوازدەهەمین کۆنگرەی ناوەندی پێنی کورد بەڕێوەچوو
ناوەندی پێنی کورد لەڕۆژانی ٥ و ٦ی ئەیلولی ٢٠٢٥ بە بەشداریی نزیکەی ١٥٠ ئەندام و میوان، دوازدەهەمین کۆنگرەی خۆی لە ماڵی ئێزیدییان لە شاری ئۆلدنبۆرگی وڵاتی ئەڵمانیا بەڕێوە برد. کۆنگرەکە لە ژێر دروشمی “چەتری نیشتمانیی” پێک هات، لە هەمان کاتدا گفتوگۆ و هەڵسەنگاندن سەبارەت بە چالاکییەکانی ناوەندی پێنی کورد و کار و خەباتی ڕۆشنبیرانی کورد لە ناوەندەکە کرا.
لە کۆنگرەکەدا هۆلگەر دێنکمان، بەرپرسی بەشی کلتوریی شارەوانیی ئۆلدنبۆرگ بە نوێنەرایەتیی شارەوانیی ئۆلدنبۆرگ بەشداربوو. هەروەها سەرۆکی پێنی ئینتەرناسیۆناڵ و ئەندامی ناوەندی پێنی کورد، بەڕێز بورهان سۆنمێز و هەروەتر بەرپرسانی زۆرێک لە دامودەزگا و پەیمانگای کوردی لە سەرانسەری جیهان، زۆرێک لە ناوەندەکانی تری پێنی کورد و چەندین کەسایەتیی بە نامەی پشتیوانیی سڵاو و پیرۆزباییان بۆ کۆنگرە نارد.
دوای گفتوگۆکردن لەسەر ڕێبازەکان لە کۆنگرەکەدا، کۆمیتەی بەڕێوەبەریی گشتیی، کە لە نۆ ئەندامی سەرەکییی و چوار ئەندامی جێگرەوە پێک دێت، بە دەنگی ئەندامان هەڵبژێردران. دوای هەڵبژاردن وێڕای ئاواتی سەرکەوتن بۆ کۆمیتەی بەڕێوەبەریی نوێ، ڕۆژی ٦ی ئەیلول کۆنگرە بە سەرکەوتوویی کۆتایی بە کارەکانی خۆی هێنا.
لە هەمان ڕۆژدا له چوارچێوەی پەیڕەوی ناوخۆیی ناوەندی پێنی کورد،کۆمیتەی بەڕێوەبەریی گشتیی نوێ یەکەم
کۆبوونەوەی خۆی لەسەر دابەشکردنی کاروباری ناوخۆیی خۆی بەڕێوەبرد. کۆبوونەوەکە بە بەشداریی سەرۆکانی دیوانی کۆنگرە بەڕێزان: کەمال سیدۆ، حاجی ئۆزکال و بەنوێنەرایەتیی ئەندامانی دیکەی دیوان بەڕێوەچوو. لە کۆبوونەوەکەدا کارەکان دابەشکرا و هەریەک لە بەڕێزان ڕۆژڤین پەریشان و میران ئەبراهام وەک هاوسەرۆکانی ناوەندی پێنی کورد هەڵبژێردران. هەروەها ئازاد زال وەک سکرتێری گشتیی و کاکشار ئۆراماریش وەک بەرپرسی دارایی هەڵبژێردران.
ئەندامانی کۆمیتەی بەڕێوەبەریی گشتیی ناوەندی پێنی کورد، کە لە کۆنگرەی دوازدەهەمدا هەڵبژێردراون بە پێی ئەلف و بێ بەم شێوەیەن:
١. ئازاد زاڵ
٢. عومەر فیدان
٣. دیمەن سوهرابی
٤. ڕۆژڤین پەرێشان
٥. ساڵح دمیجەر
٦. شنا فایەق
٧. عەبدوڵا حیجاب
٨. کاکشار ئۆرێمار
٩. میران ئابراهام
ئەندامانی جێگرەوە:
١. عیرفان بابائۆغڵوو
٢. ڕوقیە ئۆزمەن
٣. سوڵتان یارای
٤. محەممەد مەنتک
کۆمیتەی بەڕێوەبەریی ناوەندی پێنی کورد
۷ی ئەیلولی ۲٠۲
