Tove piştgirek xurt a mafên zimanên kêmneteweyan û bi taybet zimanê kurdî bû
Kurdan yek ji piştgirên xwe yên herî girîng, kedkar û ezîz winda kir. Bi xemgîniyeke mezin roja duşemê 29’ê Gulanê zimanzan û parêzvanê mafên ziman, Prof. Tove Skutnabb-Kangas di qezayek trajîk de jiyana xwe ji dest da. Tove bi taybetî di warê mafên ziman, perwerdehiya pirzimanî, zimanê dayikê û perwerdeyê de nêzî 30 pirtûk, 400 gotarên akademîk û bi dehan raporên girîng li pey xwe hiştin û yek ji akademîsyenên Rojavayî yên pêşîn bû ku polîtîkayên xerab ên dewleta tirk li ser ziman û gelê Kurd eşkere kir û di pirtûka xwe ya navdar a bi navê “Linguistic Genocide” de bi berfirehî behsa rewşa zimanê kurdî ya li Tirkiye û rûbirûbûna dewleta Tirkiyeyê bi zimanê kurdî re ya salên 1990’î îzah kiriye û weke qirkirineke zimanî bi nav dike.
Tove hevalek dilsoz, jinek wêrek, û kedkar, akademîsyenek netirs, piştgir a xurt a mafên zimanên kêmneteweyan û bi taybet zimanê kurdî bû.
Em sersaxiyê ji malbata Tove û ji hemû kêmneteweyan ên Tove parastina mafê wan kirine, dixwazin.
Komîteya Giştî ya Navenda PENa Kurd
