Ji bo Fevzî Ozmen ê koça dawî kir wê bername bê lidarxistin

NAVENDA NÛÇEYAN – Fevzî Ozmen ê demeke direj bû hevserokatiya Înstîtûta Kurdî ji bo Lêkolîn û Zanistî li Almanya dikir do li Hagena Almanyayê jiyana xwe ji dest da.

Fevzî Ozmen ê demeke direj bû hevserokatiya Înstîtûta Kurdî ji bo Lêkolîn û Zanistî li Almanya dikir do li Hagena Almanyayê jiyana xwe ji dest da. Înstîtûya Kurdî ji bo Lêkolîn û Zanistî ya Almanya derbarê koça dawî ya Fevzî Ozmen de hem daxuyanî da hem jî bernameyek amade kir.

Daxuyanî û bername wiha ye:

“JI BO GELÊ KURDISTANÊ

Em vê sibehê bi agahiyeke xemgîn hişyar bûn. Mamosteyê me yê hêja Fevzî Ozmen xatir ji me xwest û koça dawî kir!
Mamoste Fevzî Ozmen, demeke direj bû hevserokatiya Înstîtûta Kurdî ji bo Lêkolîn û Zanistî li Almanya dikir. Wî jiyana xwe di nava xebatên gelê Kurdistanê de derbas kir. Di van salên dirêj ên penaberiyê de bi giranî xebatên wî li ser çand, lêkolîn û perwerdeya zimanê Kurdî derbas bû. Di Înstîtûta Kurdî de bi taybetî wek hevserok û di gelek sazîyên neteweyî yên Kurdistanî bi giştî wek endamê YMKê, PENA KURD, KNK û her wekî din. Bi piralî di nava hewldanên bi rûmet û pîroz ên Kurdistanî de xebatên xwe dimeşand û dema xwe bi piranî di nav kar û barên rewşenbirî de derbas dikir.

Divê bê zanîn ku cewherê xebata Mamoste Fevzî li dijî siyaseta qirqikirina çandî ya dewleta tirk bi berxwedaneke afirîner û encamgir pêk dianî. Di encamê de banga me ji bo gelê me û bi taybetî ji bo qada rewşenbîrî, akademîk û niviskarên Kurdistanî ew e ku ji bo bilindkirina ala çand û zimanê Kurdî herkes bi erkên xwe rabe û berbirsiyarîya xwe ji bo bibîranîna Mamoste Fevzî pêk bîne.

Em wek rêvebir û hevalên wî yên Înstîtûta Kurdî, sozê didin ku, em ê şopdarên van xebatên wî yên watedar û girîng bin. Em ê vê meşa wî ya pîroz heta dawiyê bênavber bidomînin.

ÎNSTÎTÛTIYA KURDÎ JI BO LÊKOLÎN Û ZANÎSTÎ LI ALMANYA

Bernameya Oxirkirina Mamoste:

1. 18.09.2023 – Saet di navbera 14.00 – 16.00an de li navnîşana li jêr:
Dogan Arena
Hochofenstraße 24
58135 Hagen

2.Saet di 17.00an de li navenda Înstîtûta Kurdî ji bo Lêkolîn û Zanistî
Virchowstraße 1
40225 Düsseldorf “